Resultados de la busqueda para Olatz Artola.

Markek bost zentzumenak adi

Sentitu ez dugu soilik ikusmenari edo entzumenari esker egiten. Dantzatzeko gorputzaldia ez digu musika jakin batek soilik jartzen (edo bai), eta persona bat polit ez du soilik itxurak egiten. Gustuari, ukimenari eta usaimenari ere erreparatzen diogu, hots, zentzumen guztiei. Markagintzan, hortaz, bost zentzumenek dute garrantzia.

Hotsaren, irudien, usainaren, zaporearen eta ukimenaren bitartez komunikatu daiteke. Marka baten baloreak, beraz, bost zentzumenen bidez islatu daitezke. Marka esperientzia bizi, bereizgarri eta kalitatezkoa izateko, lehialtasuna sortuko duena, zentzumen guztiak martxan jartzea ezinbestekoa da.

Zentzumenek markaren inguruko usteak indartzea ekar dezake, edota oinarriak eta baloreak finkatzea. Emozioen eta sentsazioen bitartez, erabiltzaileak erlazioak egin eta horiek memorian iltzatzen ditu.

shutterstock_1352853263

Eragin azkarra

Leloa guztiz barneratzeko mila bider errepikatu behar izaten da. Izan ere, New Yorkeko Rockefeller unibertsitateak egindako analisi baten arabera, gizakien %5a gogoratzen da soilik ikusitako zerbaitekin eta %2a entzundakoarekin. Ondo egindako zentzumenen estimulazio batek, ordea, askoz ere denbora gutxiago behar du gugan lekukotzeko. Besteak beste, horregatik da garrantzitsua aintzat hartzea.

Oharkabean asko dira usaimenarekin, zaporearekin edo ukimenarekin jasotako mezuak. Ondo gordeta ditugunak. Zeren, ziur zuk ere lotzen duzula kolonia jakin bat pertsona jakin batekin, ezta? Eta seguru akordatzen zarela zineman egoten den palomita usainarekin (eta akaso ez ikusitako azken filmarekin)?  Izan ere, usaindutako %35arekin gogoratzen da jendea.

shutterstock_1160904631

Eragin azkar eta zuzena
Bistakoa da, beraz, zentzumenak gogoratu egiten ditugula. Baina gogoratzeaz harago, izaera edo balioekin lotzen ditugu. Jarraian hainbat adibiderekin azaltzen dugu hori:

Usaimena

  • Red Bull: festarekin, dinamismoarekin, dibertsioarekin. Horregatik ibiltzen da diskoteketan.
  • Eguzkitako krema: bidaia agentzietan erabiltzen dute, udararekin, eguraldi eta umore onarekin, deskonektatzearekin lotzen dugulako.
  • Txiklea: haurtzaroarekin lotzen dugu. Freskotasuna islatzen du. Horregatik erabiltzen da hainbat jostailu dendetan.
  • Larrua: elegantzia, kalitatea… islatzen duenez, hainbat zapata dendetan erabiltzen da, baita Rolls Royce dendetan ere.

Honen ondorioz, hainbat dira beren perfume propioa sortu duten markak: Pepe Jeans, Oysho, New Balance, Eroski, McDonalds, BMW, Movistar, Diagonal klinika, Catalunyako alderdi sozialista… Esentzia horietan beren marka balioak islatzen dituzte, oharkabean, zuk marka beren balioekin lotu dezazun.

Entzumena

Baina hori ez da soilik usaimenarekin lortzen, baita beste zentzumenekin ere. Soinuaren indarra ere nabarmena da.  Enpresen %97a sinetsita dago musikak emozioak komunikatzeko botere handia daukala.  Horregatik, hainbat enpresek estrategia musikalak garatzen dituzte. Hori dela eta, “himno” propioak sortu dituzte edo/eta beren ofizinetarako giro musika propioa osatu dute playlist personalekin.

Erabiltzaile gisa asko dira bizi daitezkeen soinu-esperientziak, gero eta plataforma gehiagotan izan dezake tokia soinuak: irrati kuinetan, spoten musika/kantuetan, podcastetan, branded audioeta, ekitaldietan, ferietan, webguneetan…

Ukimena

Liburu baten orrien usaina berezia egiten zaie askori. Baina beste askori orrialdea bera ukitzea egiten zaie berezi. Orrialdea ukitzean liburuaren gaineko iritzia osatuko dugu: kalitatezkoa, arina… irudituko zaigu. Pertsona bat ukitzean ere gertatzen zaigu hori. Azal leuna badu goxoa irudituko zaigu.

Packaginarekin lortu dezakegu, adibidez, erabiltzailearen harreta. Gure produktua era berezi batean biltzen badugu, eta kaxa zabaldu aurretik komunikatu egiten badugu, bezeroa fidelizatzeko urratsak emango ditugu.

Dastamena

Laranja zukua erosten baduzu, itxurak, zapore bat izango duela zelatatuko digu. Behin edanda, ordea, bestelako sentimendu bat izan dezakegu, dastamenak ere komunikatu egiten baitu.

Gainera, lau dira bereizten ditugun zaporeak. Zapore bakoitzak emozio desberdinak komunikatzen ditu:

  • Mikatza: emozio biziak, ezezaguna…
  • Garratza: deserosotasuna…
  • Gazia: alaitasuna, bizitasuna…
  • Gozoa: lasaitasuna, berotasuna..

shutterstock_416447704

Zentzumenez harago, zentzua

Zentzuak sen ona esan nahi du, gauzak ongi egiteko edo behar bezala jokatzeko ahalmena izatea. Eta, finean, marka batean horrek du garrantzia: zure ekintzetan zintzoa izatea. Zure ekintzetan islatzen duzu zure izaera. Labur esanda, zure jokamoldeak aitortuko du nolakoa zaren eta ea zure gainontzeko ekintza komunikatiboekin koherentzian jokatzen duzun. Hortaz, 5 zentzumenez harago, sekula ahaztu behar ez duzuna eta zinez ondo zaindu behar duzuna hori da: jarrera.

 

 

Hezkuntza zentroak ere markak dira

Zer izan nahi duzu handitan? Hori da, haur garenean egiten digute etorkizunera begirako galdera. Zer ikasi nahi dugun galdetzen digute heldutzen ari garenean. Zer izan nahi dugun jakin ala ez, zer ikasi nahi dugun erabaki beharra izaten dugu. Etorkizuneko pertsona hori izateko bide bat edo beste aukeratu dezakegu; hezkuntza zentro bat edo beste. Baina atzera begira jarriz gero, garena izateko egindako bidean ikastetxeek eragin zuzena izan dutela jabetuko gara. Giltzarri da (edo izan daiteke, behintzat) ikasten dugun zentroa, mugarri izan daiteke gure bizi-ibilbidean, eta ikasketak zentro batean edo bestean egitearen erabakian pisu handia du markak.  Hezkuntza eragile bakoitzak du bere marka eta marka horrek markatu egiten gaitu.

AZKn urteak daramatzagu hezkuntza zentroekin batera bidea egiten. Etengabeko ikaskuntza izaten ari den prozesu honetan ikasitakoak eta azken boladan jasotakoak ekarriko ditugu ondorengo lerroetara. 

19122017-_A7A9983

 

Bakarrak eta errepikaezinak

 

Ikastetxeak eta hezkuntza zentroak formakuntza espazio bat izatetik harago, beste edozein markak bezala, irakasle, ikasle eta gurasoen arreta bereganatu eta lotu behar du; merkatuan lehiatu.

Errealitate horretan lehiakor izateko, garrantzitsua da Hezkuntza Zentroaren nortasuna, jakitea zerk egiten duen bakar eta berdingabe. Eta, besteak beste, galdera hauei erantzuna ematea: nolakoak gara? Zer eskaintzen dugu? Zer da berezi egiten gaituena? Zein dira gure balioak? …

Behin bereizgarri egiten duena identifikatuta, hori martxan jarri eta barruan zein kanpoan islatu behar du; honela, hezkuntza zentroak erakargarri  egingo duen izaera propioa edukiko du. 

 16012018-_A7A2383

Ikasleak eta langileak zentroaren ispilu

 

Ikasleek ordu mordoa igarotzen dituzte ikastetxean, hortaz, berak ere marka eraikuntza honen parte izango dira. Bai ala bai. Eskolaren izaeraren ispilu izango dira ikasleak, hortaz, komeni da beraiek marka ondo barneratuta izatea, proiektatzen dutena bat joan dadin zentroak dioenarekin/egiten duenarekin.

Berdin irakasle nahiz langileekin. Baita ikasle ohiekin ere. Hezkuntza zentroa osatzen duten pieza guztiak hartu behar dira kontuan marka egiterako garaian.  

Ezinbestekoa da barne eragileek enpresa edo erakundearen balio proposamenak barneratzea.  Honela, kanpora begira egiten duzun komunikazioa eraginkorragoa izango da eta bat joango da erakundea osatzen duten pertsonen izaera/ekintzekin.

SONY DSC

5 gako marka lantzeko

Hezkuntza zentroaren ekosistema osoak marka martxan jartzea garrantzitsua da oso. Horretarako kontuan izan beharreko bost gako azalduko dizkizuegu:

  1. Hezkuntza plataformetanpresentzia izatea. Gainontzeko eragileak daude eta zu ez? Galdera horren atzetik dator, sarri, plataformara salto egiteko erabakia. Baina badira pisuzko arrazoiak:
  • Etengabe alderaketak egiten bizi gara. Konparatzeko erreminta errazak dira plataformak.
  • Eskaintzaren eta eskariaren arteko zubiak eraikitzeko urratsak ematen dituzte plataformek. Sektorearentzako egiten dutenez lan, sektorearen beharrak identifikatzen eta hobetzen saiatzen dira.
  • Sektoreko beste hainbat plataformekin aliantzak egiten dituzte, eta, ondorioz, eskaintza zabalago eta era berean zehatzago bat egiteko aukera ematen dute.
  1. Hezkuntza plataformetan ez ezik, sare sozialetan ere aktiboak izatea. Geroz eta gehiago kontsumitzen ditugu erreminta digitalak eta sare sozialak. Gainera, sare bakoitzak erabiltzaile mota bat duenez, gure publiko zehatzagoetara iritsi gaitezke.
  • Facebook iragana izango zela zioten, baina ez da horrela. Paperezko egunkariak desagertu ez diren bezala, Facebook ere ez da agortu. Aukera leiho handi bat zabaltzen ditu hezkuntza komunitateetan horren erabakigarriak diren gurasoengana iristeko. Horregatik, Facebookeko orrialdea edukiz, eta batez ere katalogoko produktuez, jantzi behar dugu.
  •  Linkedinen ere heldua da publikoa, baina sarea ez dute gurasoek osatzen, baizik eta erakunde eta profesionalek. Hortaz, edukiak insituzionaletik jo dezake eta teknikoagoa izan.
  • Audientziarik gazteena, ikasleak, Instagramen daude. Oso bisuala da, estetikoa; beraz, izaera horri erantzun behar die gure argitalpenek. Kontuan izan behar dugu kanal honetan publikoa bestelakoa dela; ondorioz, sortu behar dugun edukiak ere azkartasun, dinamismo, estetika… horri erantzun behar diola.
  • Twitter biziagoa, momentaneoagoa da; beste dinamismo eta azkartasun bat eskatzen du. Hortaz, sare honetatik bideratutako informazioak ere unean uneko behar horri erantzun behar dio.

 

  1. Ikus-entzunezko edukiez hornitu behar ditugu gure sareak. Sareetako trafikoaren %75a ikus-entzunezkoak ikusteko dira. Gero eta bideo gehiago kontsumitzen dira, eta, gainera, Emagisterren esaterako, ikus-entzunezko edukiek harrera hobea dute. Izan ere, ikus-entzunezkoak dituzten produktuak 5 aldiz gehiago saltzen dira.

 

  1. Besteek hezkuntza zentroaz diotena erabakigarria izango da.Iritziek garrantzia handia dute. Emagisterren, adibidez, iritzia duten produktuek lau bider handitzen dituzte salmentak. Erreferentzia horiek, besteen esperientziek, gugan eragina dute.

 

  1. XXI. mendekokontsumo ohiturak eta tendentziak jarraitzeak erraztu egingo du publikoak hezkuntza zentro hori  begiz jotzea.
  • Azkartasuna eskatzen du bezeroak. Geroz eta azkarrago erantzun, geroz eta aukera gehiago izango dira gurera etorri edo/eta gurean geratzeko.
  • Erantzun bizkorrak emateko bide egokia dira esku-eskura ditugun erremintak erabiltzea. Gizarte geroz eta digitalizatu honetan, esaterako, WhatsApp-ak sekulako presentzia dauka. Hezkuntza zentroetako erabiltzaileek bide hori badarabilte elkar komunikatzeko, guk ere hor egon behar dugu.
  • Audio bidezko bilaketak gero eta gehiago egiten dira. Guk ere teknologia berri horriekin jokatu behar dugu abangoardian egon nahi badugu.
  • Mugikorraren etengabeko gorakada bizi dugu. Hezkuntza esparruetako webguneetara edo sareetara, esaterako, %65a mugikorrez sartzen da. Mugikorrak gaina hartu duenez, gure komunikazioetan mugikorrak lehentsi behar ditugu.

Tentuz jarraitu behar ditugu tendentziak. Honela identifikatu eta erantzuna eman diezaiekegu-eta pertsonen beharrei.

04042017-_P6A4792

Etorkizuna lanbro

Ikasketen eskariak jarraitu egingo du. Haurtzaindegira, eskolara, heziketa zikloetara nahiz unibertsitatera joan behar eta nahi duten herritarrak egongo dira.  Bai, egongo dira, baina gutxiago.

Datuen arabera ikasle kopuruak behera egingo du datozen urteetan. Sektore guztietan ikusiko da beherakada. Unibertsitatean, esaterako, 2,4M unibertsitate ikasle gutxiago espero dira datozen urteetan.

Eskariak jarraitu egingo du, baina hezkuntzan bizi den atomizazioa medio, hezkuntza zentroen fokua lekualdatu eta bide berriak asmatu beharko dituzte, beren sorburu eta jomuga galdu gabe, beren iparrorratzaren bidean aurrera egiteko.

Hortaz, etorkizuneko erronka horiei aurre egiteko ezinbestekoa izango da marka egitea eta, ondorioz, eskari horien bizitzetan tokitxoa egitea.

 

Informazio iturriak:

  • XX Jornada Formativa BRANDING. Marca Alumni: valor y comunicación
  • V. Emagister jardunaldiak

 

Ekosistema digitala: markak sarean uzten duen marka

Gero eta teknologia gehiago darabilgu. Aisian, hezkuntzan, baita esparru profesionalean ere. Enpresa handienetatik hasi eta norbanakoetaraino. Izan ere, bezeroa sarean dagoenez, enpresek ere sarean egoteko urratsa eman dute.

Teknologiak natural bizi ditugu esparru guztietan, baita enpresetan ere.  Marken orrialdeak jarraitzen ditugu Facebooken, enpresen berri daukagu Linkedinen eta iruditan ikusten ditugu Instagramen. Bilatu egiten ditugu. Jarraitu.

Badirudi sarean bilatu eta aurkitzen ez dugun marka, ez dela existitzen. Berehala topatuko dugu ordezkoren bat, gainera. Arreta eman digun bat edo beste. Hortaz, komeni gu ere bezeroa dagoen tokian egotea.

 

Sarean, sarea sortu

Marka askok argi dute, sarean presentzia izan behar dute. Urrats hori eman dute, esaterako, Urola Packagingek eta Cebancek. Baina egote hutsa ez da efikaza. Egoteaz gain, egin eta eragin behar da, eta horretarako ekosistema digitala ezinbestekoa da. Baina… zer da ekosistema digitala?

Sareetako hainbat plataforma, interakzioa eta kalitatezko trafikoa sortzeko, modu koordinatu eta kontziente batean erabiltzean datza.  Markei baliagarria zaie sarean posizionatzeko eta beren mezuaren kontrola izateko.

 

Marka baten ekosistema digitala osatzen duten elementuak:

  • Webgunea:estrategia digitalen oinarria da. Guztiaren jomunga, helmuga eta biltokia.
  • Bloga:markaren bihotza, ekosistemari taupadak eragiten dizkiona. Zure kontakizuna.
  • Sare sozialak:ekosistemak arnasten eta entzuten duena. Markaz esaten dena entzun eta entzun nahi duenari esan. Sarean, sareak sortu.
  • SEO, SEM eta SMM:sarean nahiz bilatzailean, sistemari hazteko bidea egiten diona.
  • Email marketing:bezeroari berezi sentiarazteko balio du, fidelizatzeko.
  • Neurketak:zure aktibo digitalaren isla. Zure estrategien iparorratza, marketing digitalerako ezinbestekoa.
  • Markagintza: ekosistemaren burbuina. Markaren ahotsa definitzen duena eta mensajea kanal digitaletatik bideratzeko ezinbestekoa.

EstrategiaDigitala_AZK 

Zertan laguntzen die ekosistema digitalak markei?

Ekosistema digitala izateak, plataforma horien saretzea eta elikatzea eskatzen du. Horretarako ezinbestekoa da komunikazio digitala garatzea. Lanketa horretan fokua jartzeak gerora argia izatea dakar. Izan ere, onura hauek dakartza sarean aritzeak:

  • Helburuak zehazten ditu: Ekosistema digitalean lan dinamikak zehaztu daitezke markaren beharren edo/eta helburuen arabera.
  • Sareko izen ona hobetzen du: Ekosistema digitaleko komunikazioa landuz gero, are gehiago konfiatuko dute zugan.
  • Marketing egiteko aukera sorta zabala du:Erabiltzaileen beharretara egokitzen da, eta, gainera, ulertu egiten ditu.
  • Konbertsioa:erabiltzaileak ekintza zehatzak egitea lortzen du. Plataformaren arabera, erabiltzailea bideratu egiten du bezero posible izatera. 
  • Trafikoa:publikoa dagoen plataformetan egoteak, horiengana errazago iristea dakar. Eta, esteken bidez, webgunerako trafikoa handitu dezakezu erabiltzaileak hara bideratuta.
  • Ikusgarritasuna: webgunea posizionatu dezakezu eta ikusgarritasuna eman dieziokezu.
  • Neurketak:datuak bildu, neurtu eta analizatzen ditu; modu razionalean, gainera. Eragiteko gakoak ematen dizkigu.

 

Vídeos verticales: 90 grados de diferencia

Hace unos años nadie caminaba con una pantalla en la mano, y ahora, mira a tu alrededor y responde a esta pregunta: ¿cuántas personas están mirando a una pantalla? Unos años atrás, cada uno se tomaba su tiempo para ver vídeos. Ahora, se necesita tiempo para ponerse a leer; no para ver. Hace unos años, el vídeo vertical era un jamás de los jamases. Hoy por hoy es una tendencia, y un must en Instagram.

90 grados era la medida que estaba haciendo que perdiéramos una parte del mundo, o una forma de verlo. Ya no. El vídeo vertical ha pasado de ser un formato prohibido a ser el rey de los contenidos. No es el caso de la televisión, ni de los PC. Pero… ¿en smartphone?

Yellowing_vertical2

No queda otra que adaptarse

Usamos el móvil en posición vertical el 94% de las veces. Y, seamos sinceros, andar girando el teléfono para ver un vídeo es odioso. Si podemos ver lo mismo sin tener que cambiar el gesto, mucho mejor. Los datos avalan esa idea:

  • En móvil, los vídeos verticales tienen 9 veces más probabilidad de ser vistos.
  • El 45% de los vídeos se ven desde dispositivos móviles
  • Las tasas de CPM de los anuncios publicitarios en formato vertical de Facebook son tres veces más eficaces.
  • En 2016 la publicidad de vídeo vertical contabilizó más del 50% de todos los gastos de anuncios digitales.

Ya en 2016 se percataron de ello y Facebook empezó a publicar vídeos verticales sin bordes negros, Twitter y Snapchat siguen ese camino. Youtube y Netflix también se han subido al tren. Y en esta burbuja, el claro ejemplo es Instagram.

Esta última red está desempeñando un papel importante en este cambio. Instragram ha sabido adaptarse a los requisitos del nuevo formato vertical con Instagram Stories.

 

Pero el rey no es el formato, sino el contenido

El formato vertical tiene gran presencia en las tendencias de vídeo. El streaming en directo coge carrerilla. Para los usuarios los directos son habituales y están cada vez más dispuestos a verlos. Prefieren ver un vídeo en directo de una marca que leer el mismo contenido.

Las redes sociales son la herramienta perfecta para realizar un vídeo en directo solo pulsando un botón. Bien Twitter, Facebook como Instagram tienen esta opción. Instagram Stories se ha utilizado para emitir en vivo partidos de fútbol, ruedas de prensa o declaraciones.

Y, el formato vertical se puede utilizar para hacer directos, para crear contenido diferencial animando tus ideas, dividiendo la pantalla… todo un abanico de posibilidad para jugar con ese “nuevo espacio”. ¡Aprovéchalo!

Markek generoa al dute?

markek_generoa

Zein da jaiotzean egiten diguten lehen galdera? Are gehiago, haurdunaldian, galdetzen digutena? Zer da, neska ala mutila? Galdera horren atzean trinkotuta daude gizarteak jaioberri horri egotziko dizkion betebehar eta aukera guztiak.

Jaiotzetik markatzen gaituzte: belarrietan zuloa bai ala ez, arrosa ala urdina, panpina ala baloia… eta markagintzan ere isla dute genitalen baitan sortutako “genero-markek”.

 

Genero marketinak naturaletik gutxik

Sexua izendatzearekin batera zehaztuko dira rolak, jokabideak, sentitzeko moduak, bizitzekoak eta jarraitu beharreko ibilbidea. Eta, hori guztia, biologiarekin loturarik ez duen gizarte eraikuntza baten ondorio izango da. Mundura etorri orduko, beraz, binomio baten baitan sailkatzen gaituzte. Eta norma horietan eragina du markagintzak, publizitateak. Gehienetan, femeninitatea eta maskulinitatea etiketak puzteko eta estereotipatzeko erabiltzen da, baita onurak lortzeko ere.

Genero marketinga deitzen zaio sexuaren ezaugarri biologikoetatik harago dauden klixeak desberdintzeari. Adibide praktiko batzuk, esaterako: makilajeari dagozkien markek emakumeak erabiltzen dituzte irudian, baita garbiketaren edo zaintzaren produktuek ere; futbol partiden atsedenaldiko publizitate tartean autoen spotak emititzen dituzte, zerbezen anuntzioak ere gizonentzat daude eginak, baita brikolajearenak ere.  Sonatuak izan dira, beste batzuen artean, Bic markak emakumeentzat sortutako boligarfoa: Bic for her edo Doritos markak sortutako patatak, zikintzen eta soinurik egiten ez dutenak.

Salbuespenak salbuespen, emakumeen rolei zuzendutako produktuak sortzen dituen markaren irudia ere bat joango da estereotipo horiekin: koloreak ez dira gogorrak izango, pastel tonalitatekoak, tipografía samurragoa izango dute

 

Emakumea gauza eta ez pertsona

Emakumeak objektu bilakatzen dituzten marka eta produktuen zerrenda amaigabea da. Emakumeen gorputzak hutsak eta ederrak balira bezala erabili ohi dira sarri, begiratuak (eta menpekoak) izateko.

Publizitatetik harago, badira markak beren erabakien bitartez emakumeak gauza bilakatu dituztenak: emakumeek ordaindu gabe sar daitezkeen diskotekak, edo haurdun geratzeko aukeragatik emakume bat ez kontratatzea…

 

Sexuaren araberako ohiturak

Gure ohiturak estereotipatuak daude. Ezartzen zaizkigun rol horiei lotuta daude. Marka edo produktu bat ere, sarritan, estereotipatuta edo rol batzuei lotuta dago. Zaintza lanak = emakumeak, kirola edo/eta lehiakortasuna = gizonezkoak… Hortaz, produktu horren komunikazioa ere genero horri zuzenduta egingo da. Hortik, emakumea bazara, Coca Cola light-en publizitatea agertzea eta gizonezkoa bazara Coca Cola Zerorena ikustea.

Sareek, gainera, segmentazio hori ahalik eta zehatzena egiten laguntzen dute. Generoaren arabera ez ezik, adinaren eta geografiaren arabera (besteak beste) sailkatu ditzakegu, mezua nahi dugun horiengana helduz.

 

Erabilera guztiak ez dira txarrak

Badira binomio hori hautsi eta egitura itxi horretatik aldendu diren markak. Nikek Serena Williamsek haragirik apenas erakusten zuen kirol-arropa janzteak istiluak eragin zituen. Kontrako asko agertu ziren. Bere patrozinadorea den Nikek, ordea, babestu egin zuen ahoz gorako aldarri honekin.

Markek sarritan hauspotzen duten gizontasun eredu bat kolokan jarri zuen Gillettek bere azken spotean. Markak gizonentzat produktuak saldu arren, markaren eta gizon matxisten artean arrakala handia dagoela azaldu zuen eta eredu horrekin bat egiten ez zutela. Sona handia izan zuen iragarkiak.

Tesco supermerkatuak ere hartu ditu erabaki berdinzaleak. Beren dendetako produktuetan tasa arrosa kendu du. Toy Planetek jostailuen katalogoan berditasunari eusten dio eta aniztasuna bermatzen du.

Gertu ere baditugu adibide onak. Hainbat markek emakumeentzat “boyfriend” galtzak saltzen dituzten bitartean, beste batzuek (Berria, Berri Txarrak, Euskaraz Bizi Nahi Dut…) elastiko zabalak eta estuak saltzen dituzte; eta ez neskentzako eta mutilentzako direnak, esaterako.

 

123