azk bilaketaren emaitza.

Ekaitz Zilarmendi: “Ikus-entzunezkoen aldeko apustua egitearen garrantzia inoiz baino agerikoagoa da”

Ekaitz_Zilarmendi

Teknologia, sormena, gaitasuna eta denbora. Lehentasunen arabera, zein hurrenkeratan antolatuko zenituzke?

Laurak lotuta daude eta batak bestera eramaten zaitu. Teknologia garrantzitsua da, baina erabiltzen ikasi behar da, eta lan prozesua aurrera eramateko ezinbestekoa da denbora. Sormena eta gaitasuna ere eskutik helduta doaz; norberak bere buruarengan konfiantza sentitu ahala, profesional bezala, gero eta gaituago sentitzen zara eta, era berean, mugak eraitsi eta sormen prozesu bat zabaltzeko aukera ematen diozu zeure buruari. Hori teknologiarekin eta denborarekin lotzen da. Batak bestea ekartzen du. Guztien arteko dantza bat da.

Garai konplexuak bizi ditugu eta, inoiz baino gehiago, irudiaren aroan murgilduta gaude. Argazkilaritzak zein ekarpen egin dezake testuinguru honetan?

Momenturik latzenetan, argazkilaritzak paper garrantzitsua jokatzen du. Pandemia garaian eta konfinamendu garaian, argazkilari askok erakutsi digute jendea bizitzen ari den errealitatea. Hedabide nagusietan agertu ez diren leku eta testigantza ikusezinak jaso ditugu fotokazetaritzaren bidez. Emilio Morenatti argazkilariak, adibidez, irudien bidez islatu du Gabonetan bakarrik egon diren pertsona helduek nola bizitu dituzten une horiek, edo Covid-19arekin kutsatu diren pertsonen egoera oso gordinak ezagutu ditugu Ur Handitanen.

Lan munduari dagokionean, ikus-entzunezkoen aldeko apustua egitearen garrantzia inoiz baino agerikoagoa dela esango nuke; estrategikoa da enpresek euren marken posizionamendua eta komunikazioa indartzeko. Krisiak kolpatu dituen sektore, enpresa edota taldeek iruditeria bat sortzeko eta beraien egoera hobetzeko tresna bat da argazkilaritza.

Hamaika ertz ukitu dituzu zure ibilbide profesionalean zehar. Zeinek ukitu zaitu zu gehien?

Guztiek ukitzen naute. Lan batzuk motibagarriagoak dira besteak baino, baina beti naiz gai esperientzia guztiei alde positiboa ikusteko. Proiektu guztietan ikasten dut zerbait eta profesional bezala hazten laguntzen didate denek. Gogora datozkit ur azpian eginiko argazki saioak, edo castell baten barrura sartu eta izerdi usain hori eta arnas estu horiek bizitu nituen eguna…

Marka baten eraikuntzan, irudiek zein paper jokatzen dute?

Irudiek asko hitz egiten dute. Irudiek erakartzen dute hartzaileen atentzioa. Arrakasta eta eraginkortasuna bilatzeko, gakoa da sortzeko prozesuan aintzat izatea irudiaren funtsa, zertarako eta non erabiliko den, etab. Oinarrizko informazio horrek guztiak laguntzen du irudia ondo kokatzen.

Zein da argazki on baten gakoa?

Argazkiak zerbait sortaraztea irudia ikusten duenarengan. Ez du zertan zerbait emozionala izan. Zerbait estetikoa izan daiteke, edo ekintza bat eragiten duena. Nire kasuan, argi perfektua lortzen dudanean sentitzen dut argazki on bat atera dudala; klik egiten dudan momentuan badakit hori, motibazio berezi bat sentitzen dudalako. Beste klik batzuk, klik normalak dira. Inplikazio emozionalak ere asko eragiten dit pertzepzio horretan. Era berean, norengan eragin nahi den jakitea ere garrantzitsua da: enpresa baten bezero potentzialarengan, ezkontza bateko bikotearengan, senide batengan…

Zein da zure lan egiteko modua?

Argazkilari bezala, bi modu daude lan egiteko; bata da irudikatzera joatea eta topera horretarako eszenak sortzea; eta eszena sortzerako momentuan sartzea sartu beharreko elementu guztiak —argiztapena landu etab—. Alegia, amaierako emaitza ona izan dadin beharrezko erabakiak hartzea. Eta beste mota bateko argazkiak lantzen dira irudi bakar bat edo bi pentsatuagoak sortzera goazenean. Lan egiteko bi modu horiek oso interesgarriak dira. Batean azkartasunez emaitza onak lortzen dira, eta aurretik egindako lanketa baten ondoren emaitza interesgarriak erdietsi. Bigarrenak, aldiz, lan sakon bat egiteko aukera eskaintzen du, errotik lantzekoa.

Askotan bakarrik irudikatzen zaitugu, kamera atzean. Bakarkakoa bidea ez da izango, baina. Zein dituzu bidelagun?

Nahiz eta ni freelance-a izan, AZKrentzako lan egiten dudan aldiro, AZK-ko kide sentitzen naiz. Pertenentzia bat permititzen diot nire buruari taldekide sentitzeko, guztion artean ateratzen dugulako aurrera lana. Egoera berri bati aurre egitera goazenean, argazkilari profesionala izateaz gain, pertsona ere banaiz. Une horietan konfiantza baldin badago, lasaiago joaten naiz, taldekide sentitzen naizen momentutik babesa sentitzen dudalako edozein lan aurrera ateratzeko. AZK-ko pertsonekin asko ikasi dut; baita keinu batekin bezeroari komunikatzen ere. Bezeroa entzutearen garrantzia oso presente izan ohi dut beti.

Ekaitz_Zilarmendi

 

Martxoak 8, berdinetik berdinera

martxoak_8

 

Martxoaren 8a. Efemeride den eguna mugarri ere bihurtu da isilpekoak ozen ohiukatzeko eta  hainbat markek betaurreko moreetatik begiratzen dutela esateko.

Alta, esatea eta komunikatzea bi gauza oso ezberdin dira. Esan daitezke gezurrak eta komunikatu egiak. Horregatik, markagintzan aritzen garenontzat premisa bat da, esaten dugunarekin komunikatzea iristeko, gure balioei errotuta eta lerrotuta egotea. Hots, garen hori esatea, ez izan nahi duguna; eta izan nahi dugun hori izateko, bidea egitea.

Bidelagunen balioak ezagutzea eta horiek estrategikoki komunikatzean datza gure jarduna. Baina bidelagunak diren heinean, bidea elkarrekin egin behar badugu, funtsezkoa da balioetan bat egitea.

Eta gure balioen artean, noski, ikuspegi feminista edonoiz eta edonon txertatzea dago. Zeharkatzen gaituen gaia da, beraz, zeharkakotasunez lantzen dugu. Betaurreko moreak jantzita ekiten diogu proiektu bakoitzari, eta etengabe gabiltza betaurreko moreak graduatzeko lanean, nola gureak, hala gure bidelagunenak.

Berdinetik berdinera aritzea dugu gustoko, eskutik heldu eta bidea elkarrekin egitea. Eta horretarako, parez pare aritzeko, berdintasuna funtsezkoa da.

Hitzez ari gara, baina esaten baino, egiten eta egoten komunikatu behar dugu begirada hori. Mundua ikuspuntu horretatik ikusi dezagun!

 

martxoak_8

Kale publizitatea, iragana ala etorkizuna?

kale publizitatea

6 ordu eta 54 minutu. Hori da 2020an mundu mailan erabiltzaile bakoitzak Interneten pasa duen eguneko bataz besteko denbora, We Are Social agentziak egindako ikerketa baten arabera. Euskal Herriaren kasuan datu hori zehazki zein zifratan dagoen jakin gabe ere, agerikoa da gurean ere Covid19-aren pandemiak azaleratu dituen auzien artean dagoela onlineranzko joera. Honela, kaleak hustu izanak eragin zuzena izan du kanpo publizitatean.

Errealitate horren baitan, pertsonen ohiturekin lotura estuena izaten asmatu duten markak dira pandemian indartsuen agertu direnak. Egokitzeko gaitasuna dutenak, alegia: erresilienteak. Denbora gutxian erabaki asko hartu behar izan dituzte, eta inflexio puntu horretan, online komunikazioak hozka handi bat jan dio offline komunikazioari, bigarren honen etorkizuna zalantzan jartzeraino.

 

Online eta offline, elkarrekin osagarri

Lehenagotik datorren tendentzia da kale publizitatearen digitalizazioa. Gaur egun bizirik egotearen gakoetako bat, eta etorkizunera jauzi egiteko norabide nagusia. Urte gutxian, pantailek ordezkatu dituzte marka ertain eta handien kaleko publizitate euskarri fisiko gehienak, eta are gehiago arautu eta sistematizatu da bere erabilera. Aldaketak aldaketa, ordea, zer gertatuko da kale publizitatearekin? Iragana da ala badu etorkizunik?

Publizitatea eta marketina egiteko modua errotik aldatu den honetan, eta enpresa eta entitateen irisgarritasunerako, interes komertzialetarako edota salmentetarako premia nabarmen hazi denean, zalantzan jarri da offline marketinak erabiltzaileak erakarri eta emaitza kuantitatibo onak lortzeko duen gaitasuna. Dena den, 2020an bigarren plano batera pasatu izanagatik, 2021an aukera leiho bat zabalik du publizitate teknika honek; kaleak berreskuratzearekin batera, publizitate estrategia oso eta erakargarriak egiteko eta sormenari bide emateko parada eskainiko duelako.

Izan ere, pandemia osteko egoerari begira, offline eta online kanalen uztarketa bilatuko duen tendentzia bati buruz hitz egiten hasiak dira azken hilabeteotan; bi esparruek elkarren beharra izango dutelakoan, eta modu bateratuan kudeatu beharko direlakoan. Bien baturak bakoitzaren indartzea baitakar, eta nola ez, baita markarena ere.

Kalean mugikorraren pantailari begira ibiltzen direnen ehunekoa igotzen ari da, ordea, eta, ondorioz, jendearen arreta pizteko erronka gero eta handiagoa da. Erronka horri erantzuteko, hainbat gomendio jaso ditugu ondorengo lerrotan.

 

Sei gomendio, kalea berrartzeko

Testu laburrak erabili. Denboraren faktorea gero eta erabakigarriagoa da eta, beraz, ulertzeko errazak diren mezu laburrak eta zuzenak erabiltzea oinarrizkoa da, hedatu nahi den mezua hartzaileengana iritsiko dela bermatzeko. Nabarmendutako hitzak gehienez 6 izatea gomendatzen da.

Gaizki-ulertuak saihestu. Iragarki ikusgarri bat plazaratu nahi baduzu, aintzat hartu ahalik eta pertsona gehienek ulertzea komeni dela eta, beraz, ekidin umore ulergaitza, edo mezu konplexuak. Originaltasunak ez du zertan kontrajarria izan ulerterraztasunarekin.

Iragarkia leku bakar batean baino gehiagotan ipini. Kanpainak funtzionatu dezan, komenigarria da ahalik eta lokalizazio gehienetan jartzea, betiere aurrekontuaren arabera, dauden aukerak ondo aztertuta. Kokapena ere hartzailearen arabera aukeratzea garrantzitsua da.

Erabili irudiak. Zabaldu mezua irudi bidez, erakutsi esateko duzun hori. Horretarako, erabili mezua testuinguratzeko baliagarriak diren argazki edo bideo erakargarriak.

Irudimenari lekua egin. Funtsean, sormena da edozein kanpainaren arrakastarako giltza. Eskaini behar duen denbora eta egin merezi duen tokia. Oinarri hau ondo landu ezean, alferrikakoa da gainerako esfortzu guztia.

360 graduko kanpainak. Kokatu iragarkia estrategia orokor baten baitan, eta zehaztu ondo kanpaina zehatz horren hartzailea eta helburua. Behin ere ez landu kale publizitatea ekintza solte moduan.

 

Ate joka daukagun eta pandemia bukatu ahala eskuartean izango dugun erronkari erantzuteko hasiera bide orri bat besterik ez dira arestian jasotakoak. Norberak bere markaren esentzian eustea eta hori balioan jarriz bide berriak urratzea izango da gakoa; sortzaile, ekintzaile eta eraldatzaile izatea.

Cómo escribir un blog

como_escribir_un_blog

Para saber cómo escribir un blog hay que tener en cuenta que un post es un contenido que se va a consumir con rapidez y que compite con otros muchos artículos de temática parecida que pelean entre sí para captar la atención de Google.

Si te preguntas cómo escribir un blog es importante que te quede claro esto: escribir en un blog no es como escribir una noticia de la web, no es como escribir una nota de prensa, ni es como redactar una carta comercial. Además de tener en cuenta de que el contenido se va a leer desde una pantalla, probablemente desde un dispositivo móvil, un blog tiene unas características propias de estructura y estilo que hay que tener muy presentes.

Básicamente, y en resumen, son dos:

  • un blog debe tener un estilo directo y conciso
  • un blog debe gustar a Google, lo que es bueno para el buscador será bueno para el blog

Escribir un blog: estilo directo y SEO

De hecho, ambas características están relacionadas, ya que el estilo directo y conciso forma parte de la redacción SEO que premia Google en las búsquedas. Cada artículo debe responder a una intención de búsqueda y tiene que tener una estructura que facilite la lectura.  Es recomendable el uso de listados, dividir el texto en piezas breves de información, el uso de subtítulos y una estructura en pirámide invertida. El título servirá de gancho, el primer párrafo explicará de qué va el post y el resto de la información seguirá un orden jerárquico de mayor a menor interés. El concepto de pirámide invertida proviene del periodismo y tiene por objeto atraer la atención del lector  de forma que no abandonde la lectura hasta el final.

Haz caso a Word Press

Aunque existen blogs de todo tipo de temáticas y siempre habrá excepciones, un blog no es el lugar más adecuado para desarrollar un estilo literario o para escribir con un estilo recargado. Deberás seguir unas pautas de redacción muy claras, pero si utilizas un gestor de contenidos como Word Press seguir las recomendaciones de su centro de ayuda (fijate lo que pone en el plugin Yoast SEO, justo debajo de la caja de texto del gestor de contenidos) te servirá de apoyo. Así, en el apartado Readability (legibilidad) te recomendará que uses párrafos cortos, un máximo de 20 palabras por frase y un máximo de 300 palabras debajo de cada subtítulo.

Este pluging incorpora un semáforo y si está verde es señal de que el texto es de fácil lectura; si es naranja, quiere decir que has conseguido una puntuación media y si es rojo quiere decir que el texto ofrece dificultades de lectura y/o comprensión. Además te dirá qué porcentaje de las frases supera las 20 palabras recomendadas y qué otros fallos se han detectado que van en contra de la correcta legibilidad del texto. Sigue los consejos y el lector te lo agradecerá.

Cómo posicionar un blog

El centro de ayuda de Yoast SEO también te dará una serie de recomendaciones más específicas para que el post se posicione mejor en los buscadores:

  • usar una palabra clave, que deberá aparecer en el título, en el primer párrafo y varias veces en el cuerpo del texto (pero con naturalidad, sin abusar)
  • redactar una metadescripción (para ello debes pulsar el lápiz que aparece en ‘editar snippet’)
  • incluir una imagen que debe estar etiquetada (etiqueta Alt) con la palabra clave
  • incluir enlaces externos con páginas relevantes
  • el título no deberá tener más de 35 carácteres
  • el texo como mínimo deberá tener 300 palabras
  • usar subtítulos con formato <h2> (‘Título 2’ en el editor)

No te obsesiones, en ocasiones es muy difícil seguir todas y cada una de las recomendaciones que nos da el centro de ayuda de Word Press. A veces, además, nos apetece dar rienda suelta a nuestro propio estilo y responder a las necesidades comunicativas que surgen en cada momento. Así y todo, es muy conveniente tener presente estos consejos y, como mínimo, tratar de que no aparezca el color rojo en el semáforo de Yoast SEO.

Este post es la tercera entrada de una serie que viene precedida por ‘¿Por qué un blog?‘ y ‘Ventajas de crear un blog’.

LAN DEIALDIA. Diseinatzaile grafiko bila ari gara AZK-ko taldekideok

Diseinatzaile grafiko lanetan arituko den langile baten bila ari gara AZK-ko taldekideok, amatasun baja bat kubritu eta kontratua luzatzeko aukerarekin. Interesa baduzu, bidali mezua azk@azk.eus helbidera urtarrilaren 22a baino lehen.

FUNTZIO NAGUSIAK

  • Online zein offline diseinuak
  • Marka identitateen eta eskuliburuen sorkuntza
  • Aldizkari eta liburuen maketazioa
  • Webguneetako bannerren eta sare sozialetako iragarkien diseinuak
  • Webguneen diseinua
  • Motion graphic ikus-entzunezkoak
  • Euskarri fisikoen diseinua eta inprentarako prestaketa

OINARRIZKO ESKAKIZUNAK

  • Diseinu grafikoari lotutako ikasketak
  • Diseinatzaile grafiko lanetan esperientzia izatea
  • Programa hauetan lan egiteko maila altua izatea: Illustrator, InDesign, Photoshop, Lightroom, Premiere…
  • Ekintzailea eta sortzailea izatea
  • Taldean lan egiteko gaitasuna izatea
  • Euskara ulertu eta hitz egitea

BALORATUKO DA

  • Webgintza: html edo wordpress maneiatzeko konpetentziak
  • Animazioa egiten jakitea
  • Marrazketarako eta ilustraziorako gaitasuna
  • Komunikazioaren baitako bestelako alorren inguruko jakintza izatea: ikus-entzunezkoak, argazkilaritza, gidoigintza, marketing-a…
  • Euskarazko C1 edo C2 ziurtagiria izatea

LAN BALDINTZAK

  • 40 ordu astean, 4 hilabetez, kontratua luzatzeko aukerarekin
  • Soldata duina
  • Lanean hasteko data: urtarrilak 25

HAUTAKETA PROZESUA

  • Urtarrilak 12: Lan deialdiaren irekiera
  • Urtarrilak 19: Izena emateko (curriculumak, portfolioak eta aurkezpen gutunak bidaltzeko) azken eguna
  • Urtarrilak 20: Jasotako eskaeren balorazioa
  • Urtarrilak 21-22: Hautatutakoen elkarrizketak
  • Urtarrilak 22: Lanpostuaren ebazpena
  • Urtarrilak 25: Kontratatutako langilearen lehen lan eguna
12345...10...14