Marketing bilaketaren emaitza.

“Bideo eta irudia dira nagusi gaur egun Marketing Digitalean”

neka2

Nekane Zapatak Marketing Digitaleko Masterreko praktikaldiak gurean egin zituen, AZK agentzian, zortzi hilabetez. Ondoren, lan-taldean sartu da. Ezagutu dezagun nolakoa den Nekane eta nola ikusten dituen AZK eta Marketing Digitaleko egungo egoera.

– Konta iezaguzu, apur bat, zein den Nekane Zapata:

22 urte dauzkat eta Bergarakoa naiz. Bilbon ikasi nuen Marketineko gradua, UPV/EHU-n; izan ere, lehenengo promozioa gurea izan zen. Hau bukatu ondoren, ikasketekin jarraitzea pentsatu nuen eta master bat egitea aproposena iruditu zitzaidanez, Marketing Digitaleko Masterra egin dut aurten Mondragon Unibertsitateko Enpresagintza Fakultatean, Oñatin.
Nire zaletasunen artean, esan dezaket musika entzutea dela nire egunerokoan falta ezin den gauza bakarra; honekin batera, irakurtzea ere asko atsegin dut. Gainera, edozein moduko liburuak irakurtzen ditut, ez dut ez idazle ez gai gustukoen; arreta pizten didatenak irakurtzen ditut. Beste alde batetik, izugarri gustatzen zait hondartza, bai udan eta bai neguan, eta surfa egiten dutenak ikustea. Nik ez dut surfik egiten, baina egiten dutenek benetan harrituta uzten naute.

_ Marketing Digitaleko unibertsitate masterra egin zenuen Mondragon Unibertsitatean. Zer moduzko esperientzia izan zen?, gomendatuko zenuke master hau?

Masterra hasi baino lehenago itxaropen handiak nituen; izan ere, Bilbon egon nintzen Master eta Postgraduen azoka batean oso ondo azaldu ziguten dena eta bertan jakin nuen horrelako zerbait egin nahi nuela. Esperientzia oso polita izan da, klasean hain giro ona izateak ere lagundu du, baina horretaz gaindi, irakasleak eta hizlariak oso ona izan dira eta beraien irakaskuntzak oso lagungarriak izan dira, bai klaseetan bai oraingo lanean.
Masterraren alde positiboenetako bat bere praktikotasuna da eta, honi esker, azkar ikasten da, “lear by doing” delako metodologia guztiz aproposa delako. Beste alde batetik, praktikak egiteko programa oso ona da eta hainbat enpresen artean aukeratu ahal izaten da. Beraz, unibertsitatea bukatzen dutenei gomendatzen diet master hau.

– Kontatu nolakoak izan ziren AZK-n egindako Master amaierako proiektua: zein izan zen zure eginkizuna eta zenbat denbora eman zenuen bertan?

AZKn praktikak hasi nintzenetik sare sozialen eta online munduan sakonago sartu nintzen. Laburbilduz, AZK-k dituen bezeroen sare sozialak eta web orriak ezagutzen eta hauek edukiez elikatzen jardun nuen. Hasieran sei hilabeteko praktiketako egonaldia zen, ondoren udako hilabeteetarako luzatu zen praktiketako kontratu hori eta irailaren 1etik hemen ari naiz lanean.

– Praktikak bukatu ondoren, zein da orain zure eginkizuna?
Nire eginkizuna orain ildo berdinetik doa baina erantzukizun handiagoarekin; izan ere, proiektu batzuk nire ardurapean daude.

_ Nolakoa da AZK komunikazio enpresa bezala, zuk espero zenuen modukoa da edo oso bestelakoa?, zerbaitek harritu zaitu bereziki?
Enpresa moduan AZK-ak modu positibo batean harritu ninduen, izan ere, astero astero bilerak daude non proiektuen berritasunak komunean jartzen diren eta aste horretako lana antolatzen den. Ez nuen espero barne-komunikazioa hain ondo antolatuta egongo zenik eta, nire ustez, oso era egokia da. Beste alde batetik, lan egiteko giro oso ona dago.

_ Marketing Digital eta Enpresen Komunikazioaren inguruan gogoeta txiki bat egiteko eskatuko dizut: zeintzuk dira oraingo tendentziak?, gauzak asko aldatu dira azken urteetan komunikazioari dagokionez, asko aldatuko dira hemendik aurrera ere?

Online munduari begiratzen badiogu, oraingo errealitatea bideo eta irudietan zentratzen da; izan ere, sare sozial gehienetan eta webguneetan arrakasta izateko irudi eta bideoen erabilera egoki bat egin behar da. Izan ere, orain da bai Instagram, bai Flickr eta honelakoen gorengo unea.
Erabiltzailea ere indar bisualez mugitzen da eta gero eta nazkatuago dago testu luzeez; beraz, enpresak egokitzen ari dira tendentzia horretara.
Beste alde batetik, gaur egun garrantzitsua den eta gero eta garrantzitsuagoa izango den gailua, telefono mugikorra da. Momentu oro konektaturik egotea behar bat bihurtu da, eta gero eta aplikazio gehiago sortzen dira hauen inguruan. Zerbitzu gehienak beraien mugikorrerako aplikazioak sortzen ari dira; osasunaren arloan, adibidez, aplikazio asko daude zure egunerokoan erabiltzeko; hala nola, loaldiak kontrolatzen dituzten aplikazioak, bizi-konstanteak kontrolatzen dituztenak… Eta denborak aurrera egin ahala gero eta gehiago izango dira, aurrerapen asko gertatzen ari dira eta sektore honetan.

Nor babesten dugu?

equipo 14

Kirol liga gehienak bukatzen hasi dira, eta elkarte guztiak datorren urtera begira lanean gaude. Zein izango da datorren urtean nire elkartearen aurrekontua? Zein babeslek lagunduko digu?

Kirol ez-profesionalean babesletzak gaur egun presentzia handia du, baina ez nahikoa dauden Kirol Elkarte guztientzat.

Kirol Elkarte gutxi batzuentzat babesle bat izatea diru sarrera handi bat da (batez ere gizonezko kirolean). Askotan kirol elkarte batentzat, babesletza bat marka batekin elkartzen bada, horrek kirol elkarteari urteko lasaitasuna ematen dio.

Babesle gisa jarduten duen enpresak, talde edo kirolari batekin erlazionatzeaz gain, hauek parte hartzen duten ekitaldi bakoitzean presentzia izatea lortzen du. Kontuan izan behar dugu, kirol ekitaldi baten jarraipenak, sarri iraupen laburrekoa den arren, jende multzo handi batera heltzeko gaitasuna duela eta hartara, beste edozein publizitate kanpainatan baino presentzia gehiago lortu dezakegula.

Baina aurrez aipatutakoa gutxitan gertatzen da, gehienetan ez dugu babeslerik bilatzen, markek ez dute behar bat bezala ikusten. Enpresak babesletza inbertsio modu batean ikusi behar du.

Enpresek egin beharreko galderak hauek dira: zergatik? nola?,…

Eta guk Kirol Elkarte bezala erantzun beharrekoak:

1.- Marka ezagutzera emango dugu.

2.- Bezero berriak lortuko dituzu.

3.- Enpresa irudia handituko duzu.

4.- Bezeroak fidelizatuko dituzu.

5.- Fiskal kenkariak edukiko dituzu.

6.- Posizionamendua handituko duzu.

7.- Erakunde publikoekin eta gizartearekin harremanak sendotuko dituzu.

8.- Balore batzuekin lotuko zaituzte.

Balorea, oraintxe aipatu dut guzti honetako hitzik garrantzitsuena. Enpresaren baloreak eta elkartearen baloreek bat egin behar dute. Enpresak, talde lana, herriarekiko konpromisoa,… baditu balore bezala, zergatik babestu behar du, kanpoko elkarte bat?

Baina bueno ez nago guztiz gustura idatzitako guztiarekin, guzti hau, orain arte egindakoa da eta esango nuke fruitu aldetik ez duela eman, behar lukeen guztia.

Babesle izatearen irabaziak, dirutan neurtzeaz gain, markaren eta kirol talde horrek transmititzen dituen baloreen arteko ekuazioa ere badelako.

Zergatik ez du Petronorrek Bera Bera eskubaloi taldea babesten?

#Enpresarean: Etorkizuneko erronken bila

Enpresarean 2014 AZK

Aurreikuspen onenekin hastekoa zen #enpresarean azoka pasa den ostegunean, urriak 23, eta gu ere baikor joan ginen Kursaalera.

Rober Gutiérrezek (@robergutierrez ) enpresa ikuspegi batetik jorratu beharreko ekimentzat jo zuen Enpresarean, eta hala ekin genion goizari.

Hasteko, mahaiaren bueltan bildu ziren Gaindegiako Imanol Esnaola (@Imanolesna), Laboral Kutxako Josu Arraiza (@arraizajosu), Azaro Fundazioko eta Lea-Artibai Garapen Agentziako Ainara Basurko (@abasurko), ADEGIko Xabier de la Maza (@condedelamaza)eta Jean-Louis Haringardoquy, Ipar Euskal Herriko Hemen elkarte ekonomikoko zuzendaria. Guztiek bat egin dute hausnarketan eta etorkizunera begira bidai-orri antzekoa idatzi dute: “lehiakortasuna sustatzeko elkarlana berrikuntzan eta kalitatezko zerbitzuetan”.

Bigarren mahai inguruan komertzio elektronikoa izan zuten berbagai, hurrengo boskoteak: Jabi Asurmendi (@jabiasurmendi), Gari Araolaza (@garaolaza), Iruri Knorr (@iruri), Arkaitz Sukuntza (@arkaitzsukuntza) eta Mikel Aranburu (@EHkoPLAZA). Jarraian, hainbat enpresa eta erakundek hitz egiteko aukera izan zuten. Batzuk “Arin-arin” izendatutako formatupean (3 minutuko iraupenarekin) eta beste batzuk pixka bat gehiago luzatzeko aukerarekin. Horren adibide da @EGAMASTERTOOLS Gasteiztar enpresa. Aner Garmendi, Zuzendari Orokorra enpresen nazioartekotzearen inguruan mintzatu zen:

Guk “Arin-arin” formatuari heldu genion, argazkian ageri den bezala errugbi jokalariek bota gintuzten arte AZKn zer egiten dugun azaltzen saiatu ginen.

Enpresarean AZK Arin arin

Amaitzeko, Deustuko, Mondragon Unibertsitateko, Euskal Herriko Unibertsitateko eta HETEL erakundeetako ordezkariak. Nolakoak behar du izan etorkizuneko ikasleak? gaitzat harturik jardun ziren.

Argazki gehiago ikusteko: https://www.flickr.com/photos/28622504@N06/sets/

Argazkiak: @artemankomunika

Pixka bat es mucho

pixkabat.jpg
Ukan birusarenak zeharo indiferente uzten nauen bezalaxe, esan beharra daukat Patxi Baztarrikak zuzentzen duen sailburuordetzaren azken kanpainak bete betean asmatzen duela, ene ustetan. ‘Pixkabatesmucho’ lelopean, bakoitzak bere neurrian, lotsa barik eta eta akatsak akats, euskara erabiltzeko gonbitea datorkigu. Atzo estreinatu zen kanpaina eta hiru ardatz izango ditu: iragarkiak, webgunea eta hainbat ekitaldi gastronomiko-kultural.

(gehiago…)

Herri bat, aurpegi bat, ahots ugari

press-adds_07.jpg
Oraindik ere ez dugu asmatu. Hori da nire iritzia bederen.
Munduko leku guztietan bezala gauzak atzetik aurrera egitera ohituak gaude, edo hobe esanda, atzetik egon beharko lukena saihestu eta azalekoari besterik ez diogu garrantzia ematen. Etxeak ganorazko zimendurik gabe eraikitzen ditugu alegia. Marka bat komunikatu aurretik marka estrategia ondo definitu behar dela badakigu: bere atributo nagusiak, posizionamendu zehatza, estilo jakina… Komunikazio ekintzak abian jartzeko orduan ahaztu egiten zaigu guzti hori ordea, ikusgarri, erakargarri, “kreatibo” izateko irrika gailentzen da. Epe motzekoa eta taktikoa estrategikoaren kalte.

(gehiago…)

12