Markak 2021 urtean: pertsonekin harremantzen diren pertsonak

Urte berria, bizitza berria. Hori dio, behintzat, esaerak. Eta marken kasuan, 2021. urtean bizia hartuko dute, indartu egingo dira, baliorik gizatiarrenak.

Markek balio argi, definitu, erreal eta zintzoetara joko duten urtea izango da aurtengoa. Hitz gutxitan esanda, komunitatean errotutako jasangarritasuna, pertsonen eta planetaren zaintza, feminismoa, ingurumenarekiko errespetua bezalako kontzeptuek inoiz baino protagonismo eta balio handiagoa izango dute marken garapenean. Gure bizitza hobetuko duten sinismen eta ikuspegi berriak dira horiek, komunitatea indartuko dutenak.

 

Gizatasuna 2021. urtean

Pertsona guztiok dugu aldaketarako gaitasuna eta ardura. Denok gara garrantzitsuak. Izan ere, pertsonak dira markak gorpuzten dituztenak: enpresak pertsonak dira, bezeroak ere bai, baita hornitzaileak ere. Horiek guztiek eragin dezakete, eta gizatasuna erdigunean jartzen badugu, aldaketa errazagoa izateaz harago, erreala izango da.

Digitalizazioak elkar konektatzen gaitu, baina paradoxikoki, hartu-eman horretan elkarrengandik urrunago sentitzen gara. Distantzia soziala are handiagoa da pantaila bat tartean dagoenean, izan ere, adibidez, WhatsAppeko testuek ez dute begietara begiratzen. Baina pertsona sozialak garen heinean, besarkadak, irribarreak, musuak behar ditugu; distantzia hori haustea behar dugu, metaforikoki bada ere.

Markek hurbiltasuna ere bilatzen dute. Bezeroarekin -pertsonekin- benetako harremana berreskuratu nahi dute, hots, elkar eragite gizatiarragoa, humanoagoa, bilatzen dute. Markek bihotza dute eta bihotz txiki horietara iritsi nahi dute. Parez pare hitz egin, sentiarazi.

 

Komunikazioak aldatzen lagunduko gaitu

Marka humanizatzeko, komunikazioa ezinbestekoa da. Zer komunikatu, zergatik komunikatu eta nola komunikatu zehaztu beharra dago horretarako. Emozioetara jo behar dugu eta komunitatearen alde gizatiarrenarekin konektatu; horrela, transmititzeaz gain, eraldatzeko eta pertsonen ohituretan aldaketa positiboa sortzeko.

Sentitzen duguna gara; horregatik, emozioen bidez komunikatuko dugu. Tekla egokietan eman behar da emozioekin konektatzeko. Baina emozioak arrazoiarekin orekatu behar ditugu; komunikazioak, emozionala izateaz gain, benetakoa eta koherentea izan behar baitu. Gure koherentzia zenbat eta handiagoa izan, orduan eta hobea izango da pertsonek gure markarekiko izango duten pertzepzioa.

 

Laburbilduz:

– Komunikazioa gizatiarra izango da.

– Komunikazioa aldaketarako tresna izango da.

– Komunikazioak emozioetan eta balioetan jarriko du arreta.

 

Zuzeneko komunikazioa

Youtube, Instagram eta bere zuzenekoak. Zuzeneko ekitaldi digitalak eta postcasting-ak gure komunikazio ekintzetan txertatu behar ditugu. Horrela, distantziatik, espazioa eta denbora partekatzea lortuko dugu.

Esan bezala, digitalizazioak oztopo fisikoak hausteko aukera ematen digu; beraz, opari hau aprobetxatu behar dugu eta, distantzian bada ere, pertsonengandik hurbil egon.

 

Barne-komunikazioa

Bestela esanda: Employee engagement edo employee experience. Lau paretetatik kanpo eraginkortasunez komunikatzeko, garrantzitsua da barne komunikazioa lantzea. Argi eta garbi jakinarazi behar zaie langileei zer egiten ari garen eta zer egingo den enpresan edota entitatean. Langileekiko konpromisoa erakutsi behar da, eta informatuta eta motibatuta eduki behar dira.

 

Horretarako, beharrezkoa da

  • Teknologia:

Teknologia bitartekoa izango da, ez helburua. Ulertu behar da ez garela soilik digitalak; harremantzeko beste bide batzuk ere baloratzen direla. Digitalizazioak komunikazioa hoztea eragin du. Horrekin amaitzeko bide humanoagoak hartzea ezinbestekoa da.

  • Eta markagintza:

Marka garapena argia izango da, sinplea, bereizgarria, zintzoa, erreala… eszenatoki desberdin batera eramango gaituena. Horretarako, markaren eraikuntza ulertzea garrantzitsua da oso.

 

Laburbilduz, enpresa, erakunde, elkarte eta startup guztiek 2021ean markaren eraikuntzan pentsatu behar dute, marka baita enpresaren ukiezin garrantzitsuena, horixe geratzen baita bezeroen buruan produktuak eta zerbitzuak

2021: las marcas serán personas relacionándose con personas

Año nuevo, vida nueva. Eso dice, por lo menos, el dicho. Y para las marcas, el 2021 será un año donde cobrarán vida los valores más humanos.

Durante este año, las marcas evolucionarán hacia valores claros, definidos, reales, honestos. En pocas palabras, las marcas tendrán un contrato con la comunidad. Conceptos como sostenibilidad, cuidado de personas, del planeta, feminismo, respeto con el medio ambiente tendrán más protagonismo y valor que nunca. Nuevas creencias y perspectivas que mejorarán nuestras vidas, que reforzarán a la comunidad.

 

Lo humano en el 2021

Todas las personas tenemos la responsabilidad de cambiar. Todas somos importantes.  Ya que son las personas las que dan cuerpo a las marcas: las empresas son personas, los clientes son personas, los proveedores son personas… si ponemos lo humano en el centro, todo será más sencillo para el cambio; y, el cambio, será real.

La digitalización nos hace estar más conectados, pero paradójicamente, nos sentimos más lejos, distantes. La distancia social es aún mayor cuando una pantalla está de por medio: y es que el texto del WhatsApp no mira a los ojos.  Pero somos seres sociables y necesitamos un abrazo, una sonrisa, un beso… mirarnos a los ojos. Romper, aunque no sea literalmente, esa distancia.

Y las marcas también buscan cercanía. Quieren recuperar la relación verdadera con el cliente -con las personas- buscando una interacción más humana. Las marcas tienen corazón y quieren llegar a esos corazoncitos. Hablar de tú a tú, hacer sentir.

 

La comunicación nos ayudará a cambiar

Para humanizar las marcas, la comunicación es crucial. Hay que pensar qué comunicar, por qué comunicar y cómo comunicar. Tenemos que apelar a la emoción y conectar con el lado humano de la comunidad, para así, además de transmitir, transformar. En definitiva, generar un cambio positivo en los hábitos de las personas.

Somos lo que sentimos, por ello, comunicaremos a través de las emociones. Hay que dar en las teclas correctas para conectar con las emociones. Pero, la emoción tiene que equilibrarse con la razón. La comunicación, además de emocional tiene que ser real, coherente. Cuanto mayor sea nuestra coherencia, mejor será la percepción que tendrán las personas hacia nuestra marca.

 

En resumen:
– La comunicación será humana.

– La comunicación será la herramienta para el cambio

– La comunicación pondrá el foco en las emociones y en los valores.

 

La comunicación en directo

YouTube, Instagram y sus directos. Tenemos que integrar eventos digitales en directo y poscastings. Para así, desde la distancia, compartir el espacio y el tiempo con nuestros clientes.

Como decíamos, la digitalización nos brinda la oportunidad de romper con las barreras físicas; asique, tenemos que aprovechar este regalo y, aunque sea en la distancia, estar cerca de las personas.

 

La comunicación interna

En otras palabras: employee engagement o employee experience. Para transmitir de manera eficaz de puertas hacia fuera, es importante trabajar la comunicación de puertas hacia dentro. Hay que informar siempre con claridad sobre qué se está haciendo y qué se va a hacer en la empresa y mostrar el compromiso con sus empleados y empleadas, mantenerles informadas, tranquilas y motivadas.

 

Para todo esto…

  • ¿La tecnología?

    La tecnología será el medio, no el fin. Hay que entender que no solamente somos digitales, que las personas también valoran otras relaciones. El toque humano (a poder ser presencial) debe recuperar parte del enfriamiento de las comunicaciones que nos ha traído la digitalización.

  • ¿y el Branding?

    Es el activismo de la marca. Será claro, simple, diferenciado, honesto, real… un escenario diferente. La importancia radicará en entender la construcción de la marca.

En resumen, todas las empresas, instituciones, organizaciones y startups tienen que pensar en la construcción de la marca en el 2021, ya que la marca es el intangible más importante de la empresa, es lo que queda en la mente de los clientes cuando ya se han consumido los productos y servicios.

 

 

 

Elkar ezagutzea, elkar zaintzea da

Ezin uka, 2020a ez-ohikoa izan dela eta 2021ari beldurrez eta itxaropenez begiratzen diogula. Ate joka ditugu Gabonak; eta, diogunaren haritik, bistakoa da Gabon zoriontsuak ezin direla izan maite ditugun guztiekin ezin bagara elkartu. Mahai-bueltan aulki hutsak egongo dira, eta horiek beti dira hutsune. 

Egoera pandemiko honetan, jolasak izan daitezke distantziak eta hutsuneak hausteko bide edo horiek ilunetik argitara ekartzeko aitzakia. Izan ere, distantzian elkartzeko bideak zabaltzea ere bada komunikazioa. Eta gertu gaudenon arteko loturak are gehiago estutzea. Eta horretarako, komunikazio-jolas sinple bezain polita da gure gabonetako oparia.

Nola egiten da?

comecocos jolasa pausoz pauso

 

 

 

 

 

 

 

 

 

Nola funtzionatzen du?

  1. Jolasaren alde bakoitzean galdera bat idatzi
  2. Parean duzun lagunari zenbaki bat esateko eskatu
  3. Zenbaki horiek kontatu beharko dituzu, jolasa irekiz-itxiz
  4. Zabalik geratzen den aldeko laukitxo bat aukeratuko du jolaskideak
  5. Horri dagokion galdera egin beharko diozu, ea asmatzen duen!

Zertarako balio du?

  • Parean duzuna gehiago ezagutzeko
  • Urrun duzuna gertu sentitzekoi

Horregatik, proposatzen dizuegu batak besteari buruz galdetzea. Ireki zuen barrura begirako leihoak eta zabaldu ateak ezagutzari. Izan ere, elkar ezagutzea, elkar zaintzea da.  Oparitu jolasa, jolasteko denbora; oparitu elkar ezagutzeko aukera.

Gabon zoriontsuak eta Urte Berri on!

 

 

Zergatik podcastak?

Irratiak beti izango du bere magia, beti izango da berezi, desberdin. Ahotsaren atzean nor dagoen irudikatuko dugu, bakoitzak bere irudia sortuko du. Ikusten-ez-dena-irudikatzearen magia horrekin apurtzen ari gara azken urteotan -streaming irratsaioekin, adibidez-, irudiaren gizartean bizi gara eta.

Hitzez esaten dugunarekin %7a besterik ez dugu komunikatzen. Ahozkoa ez den komunikazioarekin, ordea, %93.  Hortik ere, irudia gailentzea. Baina, egun, minutu bateko kulturan eta presaren gizartean bizi gara. Beti azkar.

Denborak urrea balio du. Eta, denbora aprobetxatzeko, sarri, bi gauza aldi berean egin ohi izan ditugu: bideo bat irratsaio bat balitz bezala entzun, eta, paraleloan, testu hau idatzi.  Testuinguru horretan, Podcasta, egungo kontsumo ohituretara egokitzen den formatua da: errora jotzen du, azkarra da; eta, aldi berean, beste zerbait egiteko aukera ematen digu.

Kozinatzen dugun bitartean entzun daiteke, kirola egiten dugunean, lanean gaudela, autoan… hamaika egoeratan entzun dezakegu; eta, gainera, gure gustuen baitan aukeratu dezakegu.  Baina, zer desberdintasun dago, bada, podcast eta irratsaio baten artean?

Irratsaioa, normalean, atalez osatuta dago. Guk, entzule gisa, atal bat bestea baino gustukoago izango dugu. Irratsaio guztian baino, saio horren atalen batean edo bestean izango dugu interesa.

Podcastak, hain juxtu, atalak lirateke. Gai jakin baten inguruan sortutako saioa, egitura jakina duena eta atalez atal errepikatzen dena.

Podcast interesgarri batzuk:

  • Berria FM
  • Barruan gaude
  • Deforme Semanal
  • Buenismo Bien
  • Delirios de 40deFiebre

Podcast horiek guztiak azkarrak, zuzenak, mamitsuak eta, hein batean, ekonomikoak dira. Komunikatzeko kanal tradizionalekin alderatuta, ez dira garestiak.

Gainera, 24 ordutan eta asteko 7 egunetan entzun dezakezu, nahieran; ez da irratsaio baten antzera, frekuentzia topatu eta zuzenean entzun behar duzula: edonon eta edonoiz entzun dezakezu.

Geratzeko etorri den formatua da. Geroz eta sustraituago gaude gurean, eta zurean, zure enpresan, zer nolako garrantzia izan dezake?

  • Zure ahotsa entzuteko bide ematen du
  • Zure publikora hurbiltzeko balio du
  • Aditu zaren gaiean erreferente izateko
  • Gertuko kanala da
  • Edozein momentutan eta edonon entzun dezakezu, nahieran
  • Multikanala izan daiteke; eta, era berean, hibridoa: sare sozialetatik zabaldu dezakezu, Youtuberako egokitu, podcastarekin lotutako edukia sortu…

Esan bezala, gurean, geroz eta sustraituago dagoen formatua da. Berriak sortua du berea (Berria FM), Humanitate eta Hezkuntza Zientzien Fakultateko ikus-entzunezko komunikazioko ikasleek ere Putzutik Plazara sortu zuten iaz, Mondragon Unibertsitatea bera ere igo da trenera, EITBk eta Euskadi Irratiak podcast berriak ekoizteko plataforma sortu dute; eta Oier Aranzabal, beste profesional batzuekin batera, Podcastfilia sortzen ari da.

Badago uzta, beraz, gurean. Esan bezala, geratzeko etorri den formatua da.

 

Euskara, markak hazteko

Marka guztien helburua da euren balioa gizarteratu, hartzaileengan inpaktu bat eragin eta ospe ona izatea, erronka estrategikoak betetzeko. Eta atzean egon daitezkeen helburuak askotarikoak badira ere, bada bat guztiak batzen dituena: hazia erein eta haztea.

Hamaika dira marka baten posizionamendua indartzeko baliagarriak diren tresna, taktika eta estrategiak —marketing digitala, publizitatea, ekintza komunikatibo deigarriak…—. Markagintza eta komunikazioa egiterako orduan, ordea, badira zutabe batzuk askoz ere lanketa estrategikoagoa eskatzen dutenak, edozein marka sostengatzeko ezinbestekoak. Hor kokatzen dira balioak, eta, ondorioz, hizkuntza.

Euskaraldiaren atarian, teoriatik praktikara eta hitzetatik ekintzetara jauzi egiteko garaiotan, euskarak markagintzan jokatzen duen paperaz idatzi dugu, galdera bati modu argian erantzunez: zein ekarpen egin diezaioke euskarak marka bati?

Kalitatea

Euskararen marka kalitatearekin lotzen da esparru askotan; Euskal Herrian sektore askotako produktu eta proiektuak dira horren testigu. Izenean euskara eramatea erreferentzia bat da bertako zein nazioarteko hartzaileei begira, kalitate horrekin identifikatzeko.

Gertutasuna

Marka hartzailearengandik hurbil egonda soilik lortu daitezke konplizitatea, enpatia, fidagarritasuna… Eta gertu egoteko, hartzaileari bere hizkuntzan hitz egitea ezinbestekoa da. Horregatik, hemen, euskara tresna gakoa da gertutasuna irabazteko.

Lurraldean errotzea

Mundu mailan ezagunak diren marka ugarik erabiltzen dute euskara Euskal Herrian. Zergatik egiten dute hizkuntza hautu hori? Bertako herritarrekin eta balioekin bat egiteko bidea errazten dielako. Ez dago kanpotik etorri beharrik horretaz jabetzeko; lurralde batean errotzeko giltza nagusietako bat bertako hizkuntza da.

Pertsonalizazioa

Hartzaile bakoitzarekiko pertsonalizazioa da publizitateak aurrez aurre duen erronka nagusietako bat. Egokitzapen hori egiteko ezaugarrien zerrenda luzea da; baina lehentasunezkoen artean kokatzen da hizkuntza; alegia, euskal hiztunengana edota euskaraz kontsumitzen dutenengana euskaraz zuzentzea.

Merkaturatzea

Euskararen marka eremu ez-komertzialarekin lotu ohi bada ere, helburu komertzialak betetzeko tresna ere bada euskara. Aurrez aipatutako ardatz horiek guztiak indartzearekin lotuta baitaude emaitzak. Hizkuntza hautu egoki batek eta, kasu honetan, euskarak saldu egiten du.

AZK-ko kideon konpromisoa irmoa da ‘Gehiago, gehiagorekin eta gehiagotan’ erabili dadin euskara markak hazteko tresna gisa.